EMRI| I dënuar me burg për drogë, arrestohet në Tiranë 39-vjeçari

Policia e Tiranës ka arrestuar një 39-vjeçar të shpallur në kërkim, i dënuar me 3 vjet e 4 muaj burgim, për veprimtari kriminale në fushën e narkotikëve.

Si rezultat i operacioni të koduar ‘Remove’, në Mjull Bathore, u kap dhe u vu në pranga shtetasi në kërkim Ardian Shkalla, 39 vjeç, banues në Tiranë.

Gjykata e Shkallës së Parë e Juridiksionit të Përgjithshëm Tiranë e ka dënuar këtë shtetas me 3 vjet e 4 muaj burgim, për veprën penale “Prodhimi dhe shitja e narkotikëve”. Në vitin 2021, 39-vjeçari, sapo ka konstatuar shërbimet e Policisë, ka hedhur nga dritarja e automjetit, një qese me lëndë të dyshuar narkotike kokainë, e cila është sekuestruar nga Policia.

LEXONI GJITHASHTU:

• Tentoi të kryente marrëdhënie me të bijën e mitur, arrestohet 44-vjeçari në Durrës
• I moshuari vdiq pas kafshimit nga Pitbulli, arrestohet pronari i qenit