Situata e rrugëve nga moti i keq, Haki Çako: Kemi referuar në prokurori operatorët privatë që nuk kanë kryer detyrimet

Drejtori i Emergjencave Civile, Haki Çako tha për Euronews Albania tha se strukturat shtetërore kanë qenë në shërbim të qytetarëve gjatë gjithë këtyre ditëve me problematika të motit, teksa shtoi se në rastin e operatorëve privatë që nuk kanë kryer si duhet detyrimet e tyre, çështjet janë referuar në prokurorori .

Teksa u pyet lidhur me situatën e krijuar dy ditë më parë në aksin Milot-Lezhë ku dhjetëra qytetarë mbetën të bllokuar në automjetet e tyre për orë të tëra për shkak të stuhisë së borës, z. Çako u shpreh se do të merren masa për çdokënd që nuk ka kryer detyrën.

Sipas tij, me gjithë gjendjen e rënduar në akset nacionale gjatë këtyre dy ditëve, të gjitha strukturat e emergjencave civile në të gjitha bashkitë e vendit kanë qenë në gatishmëri të plotë për të bërë të mundur qarkullimin e mjeteve.

“Ka pasur disa akse nacionale që kanë pasur probleme serioze siç ndodhi pardje në aksin e Librazhdit me Qafë-Thanën dhe aksin Milot-Lezhë dhe në kufirin e RMV me Qafë-Thanën, ku është punuar gjithë natën dhe është bërë e mundur lëvizja e mjeteve”, tha z. Çako.