Instituti i Mjekësisë Ligjore: Kemi bërë ekspertimin e 3-vjeçares me këmbë të thyer

Instituti i Mjekësisë Ligjore ka bërë me dije se është kryer ekspertimi për vajzën 3-vjeçare e cila theu këmbën në kopsht pas dhunës së ushtruar nga edukatorja.

Videoja është bërë publike në media, ndërsa sot e mitura është në spital me këmbën në allçi. Edukatorja është shoqëruar dhe për të ka nisur një hetim.

Pritet zbardhja e plotë e rrethanave të ngjarjes.

Njoftimi i plotë i Institutit të Mjekësisë Ligjore:  

Në lidhje me ngjarjen e fëmijës 3 vjeçe që është dëmtuar në një kopsht privat ju bëj me dije se, vendimi për kryerjen e ekspertimit për fëmijën e sipërpërmendur ka ardhur në 07.11.2023, në IML ( rreth orës 13.30) dhe menjëherë kemi ndërmarrë veprimet për kryerjen e aktin të ekspertimit.

Dje, në datë 08.11.2023, akti i ekspertimit i fëmijës u krye dhe u nis po dje, për në Prokurorinë e Rrethit Gjyqësor Tiranë.

LEXONI GJITHASHTU:

• Dhunimi i 3 vjeçares në kopsht, organizohet protestë para Ministrisë së Arsimit
• Aktivistja: Kopshti “Stinët” vetëm 1 vit i hapur, është denoncuar 4 herë për dhunë