Vdekja e futbollistit në Rrogozhinë, Duka: I tronditur, ishte një lojtar i fortë

Kreu i Federatës Shqiptare të Futbollit, Armando Duka, ka reaguar pas ndarjes nga jeta në fushën e lojës në Rrogozhinë të futbollistit 28-vjeçar, Raphael Dwamena.

Përmes një postimi në Facebook, Duka në emër të FSHF-së i shprehur ngushëllimet familjarëve dhe vetë ekipit të Egnatias për humbjen e të riut.

Ai thotë gjithashtu se 28-vjeçari ishte një futbollist i shkëlqyer dhe kishte rendimentin më të mirë të golave.

Reagimi i Dukës:

Jam thellësisht i shokuar e i tronditur për ndarjen e parakohshme nga jeta të lojtarit të Egnatias, Raphael Dwamena.

Një lojtar i fortë, me shpirt gare, një futbollist që edhe në statistikat e FSHF dhe të Superiores, kishte rekordin më të mirë të golave.

Dëamena tregonte disiplinë e karakter dhe një futbollist që kishte komunikim të jashtëzakonshëm me shokët e ekipit, por edhe jashtë tij.

Në emër të FSHF i shpreh ngushëllimet e mia familjarëve të futbollistit dhe vetë ekipit të Egnatias ku ai kontribuoi dhe shkëlqeu në këtë karrierë të tillë futbollistike. Rest in peace Raphael Dwamena

LEXONI GJITHASHTU:

• Ndërroi jetë gjatë ndeshjes, policia njoftim zyrtar për vdekjen e futbollistit
• E rëndë/ Ndërron jetë futbollisti, pësoi atak gjatë ndeshjes Egnatia-Partizani