“Dwamena njësoj si Eriksen”- Mjeku: Kishte një patologji të rrallë

Mjeku sportiv Mel Ostreni është shprehur se futbollisti Raphael Dwamena, i cili ndërroi jetë në fushën e lojës në Rrogozhinë, ka pasur të njëjtën patologji si futbollisti Eriksen.

Komentet Ostreni i bëri përmes një lidhjeje direkte me emisionin “Review” në EuroNews Albania, ku tha se disa shtete si Italia dhe Spanja nuk i lejojnë të luajnë ata që shfaqin këto simptoma.

Ai tha gjithashtu se nëse mban defibrilator, duhet të jesh shumë i kujdesshëm nga përplasjet e forta, pasi rrezikon që ky mekanizëm të dëmtohet.

“Kto vdekje klasifikohen si vdekje të papritura. Megjithë kontrollet dhe masat ekziston një mundësi edhe kur ke në trupin tënd të instaluar defibrilator. Patologjia që e shoqëronte është shumë e rrallë. Mund të jetë e trashëguar nga prindërit apo edhe më tej. Këto vdekje të papritura nuk ndodhin vetëm te sportistët.

Ajo që në rastin konkret është se në disa shtete legjislacioni për sportistët është shumë strikt, por ka edhe shtete që e pranojnë vënien e pismejkerit. Italia e Spanja që i kanë më rigoroze rregullat nuk i pranojnë. Kjo ndodhi me rastin e Eriksenit i cili ka pasur të njëjtën patologji si ky djaloshi nga Gana.

E vetmja zgjidhje ishte që ai të largohej nga Italia, siç bëri dhe shkoi në Angli. Përsa i përket Eriksetit ka një defibrillator automatik, që ka fije elektrike që lidhen me zemrën. Ky defibrilator zgjat nga 7-10 vite. Duhet të kesh shumë kujdes nga përplasjet e forta, pasi mund të dëmtohet edhe aparati.

Unë them se bëjnë mirë legjislacioni sportive në Itali dhe Spanjë që nuk i lejon këta. Nëse e kishte hequr pismejkerin, ai nuk mund të luante. Ai mund ta hiqte vetëm nëse nuk funksiononte mirë. Ai aparat kushton 16 mijë euro”, është shprehur mjeku.

LEXONI GJITHASHTU:

• “Kolapsi” i tretë për lojtarin e Egnatias, vendosi defibrilator e shpërfilli mjekët
• Vdekja e futbollistit në Rrogozhinë, Shyti: Ishte lojtari më i mirë i Superligës