1.8 mld lekë për fermerët, subvencione për naftën dhe blegtorinë

Me rishikimin e buxhetit në muajin nëntor, qeveria do të ndajë deri në fund të vitit 1.8 mld lekë për fermerët dhe blegtorët. Këtë të fundit, duhet të aplikojnë për skemat që garantojnë subvencione.

Fermerët shqiptarë mund të përfitojnë këtë vit subvencione për naftën dhe blegtorinë. Janë më shumë se 1,8 miliardë lekë, që garantohen nga buxheti i këtij viti, të cilat do të shpërndahen në bujqësi për nevojat e njerëzve që punojnë tokën e mbarështojnë kafshë e shpendë.

Shuma ndahet në 1 miliard lekë për skemën e naftës, për gjithë punimet e mekanizuara në fermë, dhe 800 milionë për kërkesat e blegtorëve.

Ndërkohë, skemat e mbështetjes në bujqësi do të vazhdojnë të aplikohen edhe në vitet në vazhdim.  Referuar programit buxhetor afatmesëm  deri në 2025, planifikohet shtimi i numrit të përfituesve nga Skemat Kombëtare në nga 4.800 përfitues në vitin 2022 në 6 mijë përfitues në vitin 2025.

Sipas ministrisë së Bujqësisë, nga subvencionet e naftës për bujqësinë, deri në vitin 2025 pritet të përfitojnë edhe 18.500 përfitues.

Kjo skemë është një mekanizëm i rëndësishëm për uljen e kostove të fermerëve në bujqësi, nxitjen për mbjellje si dhe formalizimin e tyre, si e vetmja formë për të qenë përftues.

Pavarësisht se fondet për Ministrinë e Bujqësisë nga buxheti i shtetit në 3 vitet e ardhshme janë në rënie, numri i fermerët që përfitojnë grante nga Skemat Kombëtare në bujqësi parashikohet që të rritet.

LEXONI GJITHASHTU:

• Korçë, fasulja ‘luks’ për pensionistët, fermerët rrisin çmimin me 20%
• La Amerikën për të investuar në Shqipëri, fermerit nuk i lidhin dritat