Spiropali i përgjigjet Bylykbashit: Bashën nuk e bën dot fitues as Ilir Meta dhe as Zoti

Ministrja e Shtetit për Marrëdhëniet me Parlamentin, Elisa Spiropali komentoi në Euronews Albania deklaratën e Oerd Bylykbashit se të drejtën për të propozuar kryeministrin e merr koalicioni që garanton 71 mandate.

Spiropali u shpreh se  kjo është “një përpjekjeje e dëshpëruar dhe për t’i dhënë zemër mbështetësve të tyre, që ne kemi presidentin që mund ta na sigurojë fitoren në shkelje të plotë të kushtetutës dhe ligjshmërisë”.

“Pra shkurt që Basha është humbës, por hajd të gjejmë tani hapësira antikushtetuese për ta bërë fitues. Nuk e bën do humbësin fitues as Ilir Meta, as Oerd Bylykbashi dhe as Zoti vet”, tha Spiropali.

Kjo deklaratë e ministres erdhi, pasi dy ditë më parë Bylykbashi tha në emisionin ‘Ilva Now’ se  Kodi i ri Zgjedhor përcakton qartë se si formohet shumica qeverisëse.

Për këtë ai mori si shembull edhe nëse rezultati i 25 prillit do t’i japë PS-së më shumë mandate si parti, e drejta për të formuar qeverinë do t’i takojë PD dhe LSI.

Sipas tij partia ose koalicioni që ka më shumë mandate mund t’i propozojë presidentit kryeministrin e ri. 

Lexoni gjithashtu:

Deklarata e Kurtit për bashkim kombëtar, Spiropali: Të bashkëpunojnë si dy shtete që kanë një qëllim të përbashkët