Studime në Amerikë, i dërguari me punë i SHBA përuron qendrën EdUSA te Piramida

I Ngarkuari me Punë i Ambasadës së SHBA-së, David Wisner mori pjesë këtë të enjte në ceremoninë e përurimit të qendrës Education USA tek Piramida në Tiranë.

EdUSA është një rrjet prej 430 qendrash të tilla në të gjithë botën që këshillojnë nxënës të interesuar për të studiuar në SHBA, në 175 vende. Rrjeti promovon arsimin e lartë në SHBA duke ofruar informacion të saktë, të plotë dhe aktual mbi mundësitë për të studiuar atje.

Qendra është burimi zyrtar për arsimin e lartë në SHBA.

Qendra në Tiranë do të jetë hapur çdo ditë, 9 – 4 pasdite dhe ofron këshillime individuale si dhe kryen vizita në shkolla në të gjithë vendin për të ofruar informacione të hollësishme mbi studimet në SHBA, procedurat, kostot, etj.

Shërbime të tilla janë falas për cilindo të interesuar.

LEXONI GJITHASHTU:

• ANSA: Dy qendra pritje në Shqipëri, 39 mijë emigrantë në vit do të vijnë nga Italia
• Balluku në konferencën e S3: Do krijojmë qendra kërkimore brenda institucioneve