ANSA: Dy qendra pritje në Shqipëri, 39 mijë emigrantë në vit do të vijnë nga Italia

Nga pranvera e vitit 2024, emigrantët e shpëtuar në Mesdhe nga anijet italiane do të transferohen në Shqipëri.

Memorandumi i mirëkuptimit i nënshkruar nga Edi Rama dhe Giorgia Meloni në Palazzo Chigi synon të pengojë largimet dhe trafikimin e qenieve njerëzore, si dhe të lehtësojë pikat e nxehta si ajo e Lampedusës, shkruan ANSA.

Marrëveshja u mbyll më 15 gusht gjatë takimit që dy liderët zhvilluan në Shqipëri dhe që u cilësua si një takim i thjeshtë miqësor. Tashmë gjithçka është konkretizuar.

Mediat italiane theksojnë se kjo është një “pikë kthese historike jo vetëm për Italinë por për të gjithë Bashkimin Europian”.

Për ministrin e Jashtëm Antonio Tajan , kjo risi “forcon rolin udhëheqës të Italisë në Evropë”.

LEXONI GJITHASHTU:

• Marrëveshja me Italinë për emigrantët, PD kërkon interpelancë urgjente me Ramën
• Qendër pritjeje për emigrantët në Shëngjin, Meloni: Do kontribuojmë financiarisht