Ushtria izraelite: Do të përparojmë kudo ku gjendet Hamasi

Ushtria izraelite po forcon kontrollin e saj në veri të Gazës, pasi lufta e saj kundër grupit militant Hamas nuk po ecën me ritme të mira.

Më shumë karburant u lejua në Gaza të premten pasi sistemet e ujit dhe kanalizimit janë në prag të kolapsit, tha këshilltari i sigurisë kombëtare i Izraelit, Tzachi Hanegbi. Mungesa e karburantit ka ndikuar edhe në gjendjen e rëndë në spitale, ku mjekët thanë se pacientët e ICU kanë vdekur dhe operacionet janë ndërprerë për shkak të mungesës së energjisë elektrike.

Ndërkohë, palët negociuese po përpiqen të arrijnë një marrëveshje për lirimin e pengjeve në Gaza. Kjo vjen pasi të paktën dy pengje u gjetën të vdekur në enklavë gjatë dy ditëve të fundit, tha ushtria izraelite.

LEXONI GJITHASHTU:

• Izraeli heton dhunën seksuale të kryer nga Hamasi gjatë sulmeve të 7 tetorit
• Trupi i një pengu izraelit gjendet pranë spitalit Al-Shifa në Gaza