Izraeli heton dhunën seksuale të kryer nga Hamasi gjatë sulmeve të 7 tetorit

Policia izraelite po përdor prova mjekoligjore, video, dëshmi dhe marrjen në pyetje të të dyshuarve për të dokumentuar rastet e përdhunimeve në mes të sulmeve të Hamasit në Izrael më 7 tetor.

Dëshmitarët thonë se vajzat dhe gratë atë ditë janë rrahur brutalisht dhe janë dhunuar seksualisht.

Kryeinspektori i policisë Dudi Katz tha se oficerët kanë mbledhur më shumë se 1,000 deklarata dhe më shumë se 60,000 videoklipe në lidhje me këto sulme. Ndërkohë nuk ka asnjë shenjë nëse ka ndonjë të mbijetuar nga viktimat e kësaj dhune seksuale.

Rreth 1200 izraelitë u vranë dhe të tjerë u plagosën atë ditë në fshatrat dhe fermat pranë Gazës kur militantët e Hamasit goditën përtej kufirit në sulme të koordinuara, duke marrë më shumë se 240 pengje. Më shumë se 11 mijë palestinezë janë vrarë, sipas autoriteteve në Gazën e kontrolluar nga Hamasi.

LEXONI GJITHASHTU:

• Trupi i një pengu izraelit gjendet pranë spitalit Al-Shifa në Gaza
• IDF publikon pamjet nga spitali Al-Shifa: Gjetëm armë dhe mjete ushtarake të Hamasit