‘Presioni’ ndaj SPAK, Çeka: Po rrezikon standardet, qytetarët të etur për drejtësi

Profesori Bledi Çeka është shprehur se qytetarët në Shqipëri janë të etur për drejtësi.

Komentet Çeka i bëri në “Barometri” në Euronews Albania, ku tha se aktorët kryesorë politikë në vend e kanë atakuar njëri-tjetrin për një sërë akuzash të rënda dhe sipas tij, qytetarët presin nga SPAK adresimin e këtij diskursi.

Ai shtoi gjithashtu se SPAK nën presionin e ndërkombëtarëve dhe atë të qytetarëve, mund të përshpejtojë proceset dhe të rrezikojë standartet, gjë që sipas tij do të çonte në një drejtësi pa standarte.

“Çdo institucion ka nevojë për mbështetje. Qytetarët janë të etur për drejtësi. Aktorët kryesorë politikë e kanë akuzuar njëri-tjetrin për tradhëti kombëtare, për vrasje dhe për korrupsion galopant. Kjo ka qenë sistematike për 30 vite. Qytetarët presin që SPAK të adresojë këtë lloj diskursi asgjësues që kanë pasur aktorët politikë që sot janë ende prezentë.

Padyshim që qytetarët janë të etur për drejtësi. Ajo që besoj se është e rëndësishme, nga njëra anë presioni nga qytetarët dhe nga ana tjetër presioni nga ndërkombëtarët, është një lloj presioni që SPAK të përshpejtojë proceset, duke rrezikuar standartet. Ne duam drejtësi me standarte”, është shprehur Çeka.

LEXONI GJITHASHTU:

• SPAK në krye të listës së institucioneve më të besueshme, Karamuço: Efekti ‘Dumani’
• Dervishi: Rritja e SPAK ka bërë xheloz dhe kryeministrin, e quan investim të tijin