Humbi vëllanë në krye të detyrës, efektivi Muçaj: Doja të vijoja misionin e tij

Efektivi i forcave “Shqiponja” në Vlorë, Everest Muçaj, ka rrëfyer punën e tij në Polici dhe atë se çfarë e shtyu të bëhej pjesë e këtij institucioni.

Përmes një lidhjeje me emisionin “Revieë” në Euroneës Albania, Muçaj është shprehur se ka 18 vite në radhët e Policisë dhe se ajo që e shtyu është humbja e të vëllait në krye të detyrës, Alket Muçës.

Ai thotë se çdo ditë në Polici i duket si të jetë dita e parë e punës dhe se është shumë i lidhur me atë profesion.

“Jam punonjës policie te seksioni “Shqiponjat” dhe kam 18 vite në radhët e Policisë. Unë në momentin që fillova Punonjës policie, e nisa sepse e ndieja, duke marrë parasysh edhe pjesën e vëllait tim që është dëshmor i atdheut aktualisht dhe thjeshtë dëshiroja të vijoja misionin e tij dhe të Policisë.

Më duket njësoj si dita e parë, shërbej me ndjenjë. E dua policinë, kam gjysmën e jetës në këtë punë.

Vëllai im ka punuar nga 91’ deri në 97’ ka qenë punonjës në Gardën e Republikës. Më pas ka qenë pjesë e ekipit kombëtar të boksit. Në 97’ u transferua në Policinë e Vlorës, si agjent krimesh, oficer i Policisë Kriminale”, është shprehur Muça.

LEXONI GJITHASHTU:

• E veja e ish-komisarit Malushi: Humbja e tim shoqi, thikë pas shpine nga kolegët
• Breçani në dijeni të trafikut, si e këshillonte të birin të fshihte gjurmët te arma