Festimet për 28-29 Nëntor, parada në Tiranë dhe koncerte në çdo qytet

Festimet për 28 dhe 29 Nëntor, do ta kthejnë Tiranën në qendrën e shqiptarëve nga e gjithë bota.

Përherë të parë do të mbahet “Parada e Shqiptarëve”, ku do të bëhen bashkë shqiptarët nga e gjithë Diaspora. 150 delegacione, më datë 28 do të nisin parakalimin nga sheshi “Nënë Tereza”, si pika e grumbullimit, për të vijuar në drejtim të sheshit “Skënderbej”, parada pritet të zgjasë për disa orë.

Ndërkohë po në datë 28 Nëntor, në Vlorë, do të jetë dhe ceremonia e ngritjes së falumirt në Vlorë, ku të pranishëm do të jenë presidenti, kryeministri, kryetarja e Kuvendit.

Por nuk mbaron me kaq. Pasditja rezervon të tjera aktivitete. Në mbrëmje grupet më të mira të Festivalit të Gjirokastrës, por dhe të tjerat që kanë ardhur nga këto ansamble, do të kenë një koncert në sheshin “Skënderbej”.

Në datë 29 Nëntor, ashtu siç tashmë është kthyer në traditë, do të festohet Nata e Bardhë me një koncert në sheshin Nënë Tereze, me pjesëmarrjen e këngëtarëve si Kida, McKresha e shumë artisë të tjerë.

Por festa nuk përqendrohet vetëm në Tiranë. Në Shkodër deri në datë 29 do të qëndrojnë e hapur ekspozita e armëve, në Korçë në datë 29 do të ketë një koncert festiv në teatrin “Andon Z.Cajupi”.

LEXONI GJITHASHTU:

• Festa e Pavarësisë, Presheva ngre flamurin shqiptar
• Korça plot për festa, prenotimet në qytet 100%, fshatrat arrijnë deri në 90%