Baret dhe restorantet në krizë, Ilir Dushkaj tregon masat që duhet të marrë qeveria

Nga konferenca e përjavshme e ekonomisë, kryeministri Edi Rama deklaroi se nuk do të ketë një paketë tjetër ekonomike për bizneset e prekura nga kufizimi i orarit.

Për këtë deklaratë të kryeministrit Rama, Ilir Dushkaj, përfaqësues i Shoqatës së Bareve dhe Restoranteve u shpreh në Euronews Albania se vendimi është i padrejtë.

Ai theksoi se kufizimi i orareve ka prekur shumë bizneset dhe ndërkohë nuk ka asnjë mbështetje nga qeveria.

Zoti Dushkaj propozoi se qeveria duhet të zgjerojë orarin e lëvizjes, por ndërkohë duhet të kërkojnë zbatimin e ligjit të hapësirave, si distanca mes tavolinave apo edhe qytetarëve.

Teksa theksoi se tani jemi në një kohë mbijetesës ai tregoi se në biznesin e tij sot ka 5 punëtorë, nga 15 që kishte në fillim të pandemisë.

Zoti Dushkaj tha se është detyruar që të ulë edhe orët e punës për punëtorët.

Lexoni gjithashtu:

Rama: Ambicia jonë për 4 vitet e ardhshme, rritja e pagës minimale