Dëshmitari i “Gërdecit”: Kompania amerikane kërkoi që demontimi të bëhej në Bërzhitë

Gjeneral Bardhyl Hoxha, ish-drejtor i drejtorisë logjistike pranë Ministrisë së Mbrojtjes, dëshmoi në gjykatë për procesin ndaj Mediut.

Në fillim nga prokurorët e çështjes u njoh nga një memo e përpiluar prej tij në dhjetor të 2006, ku i ishte kthyer një përgjigje nga drejtoria e logjistikës një fax-i të ardhur nga kompania amerikane, SAC.

Ajo propozonte që demontimi i municioneve të bëhej në Bërzhitë. Ndërkohë përgjigjja negative sipas drejtorisë logjistike i ishte kthyer në harkun kohor të 24-48 orëve.

Shkak sipas Hoxhës ishte që Bërzhita nuk ishte vend i përshtatshëm pasi ishte pranë banesave dhe rrugës kryesore si dhe depot nuk ishin të licensuara për te kryer këtë proces. Në deshmi Hoxha deklaroi se licensimi nuk ishte ndonjë akt i veçantë, por merrej parasysh gjendja e depos, rrethimi me tela me gjëmba dhe izolimi. Në këto kushte, Bërzhita i plotësonte këto kushte.

“Të pranishëm kanë qenë Sokrat Papadhima, specialist, sekretari i Pergjithshem i Ministrisë së Mbrojtjes, Ardian Mullai dhe një jurist. Nuk e di çfarë është bërë me Gërdecin sepse në atë periudhë u largova nga detyra, duke marrë një post tjetër. Kthimi i përgjigjes për 48 orë u bë pasi çështja e demontimit ishte me shumë rëndësi dhe i jepnim vëmendje çdo projekti dhe sugjerimi të mundshëm. Kishim 109 tonë municion që duhej asgjësuar”, tha ai.

I pyetur nga njëri prej avokatëve të Mediut, për raportin me këtë të fundit, Hoxha tha: “E veçoj nga Minisitrat e tjerë për korrektësinë”.

LEXONI GJITHASHTU:

• Gjyqi për “Gërdecin”/ Reagon Mediu: Asnjë dëshmitar s’ka dëshmuar kundër meje
• Çështja “Gërdeci”, shtyhet gjyqi ndaj ish-ministrit të Mbrojtjes Fatmir Mediu