“Proces i padrejtë”, Mediu: S’i jam fshehur drejtësisë, 10 vite s’pata asnjë akuzë

Ish-ministri i Mbrojtjes, Fatmir Mediu foli për mediat pas seancës gjyqësore për Gërdecin, në të cilën tha se kishte marrë pjesë në respekt të drejtësisë.

Ai tha se i kërkonte ndjesë familjarëve të cilët humbën njerëzit e dashur në atë tragjedi, por theksoi se ndjesën e tij e ka shprehur duke dhënë dorëheqjen dhe nuk mund ta zhbënte më atë çfarë ka ndodhur.

“Ky proces duhet të jetë i ligjshëm dhe i ndërtuar në mënyrë të barabartë për të gjitha palët. Mendoj se është shkelur një nga pikat më të rëndësishme të garancisë së procesit gjyqësor që ka të bëjë me parashkrimin. Gjykata e Lartë ka thënë që nuk ka pezullim parashkrimi për ekzekutimin e vendimit, që do të thotë që një njeri i dënuar që fshihet, largohet për t’i shpëtuar dënimit, pas një kohe është i pafajshëm. Për mua, për 10 vjet nuk ka pasur asnjë akuzë, asnjë ngarkesë penale. Për më tepër, kam qenë këtu, as i jam fshehur proceseve, as i jam fshehur drejtësisë dhe kjo shkelje është tërësisht flagrante,” – u shpreh Mediu.

Ai nënvizoi se ka qenë gjithmonë në dispozicion të drejtësisë për këtë çështje, por tashmë afatet ligjore kanë kaluar dhe çështja duhet të ishte parashkruar.

Ish-ministri shtoi se drejtwsia po shkel një nga pikat më të rëndësishme të garancisë së procesit gjyqësor që ka të bëjë me parashkrimin.

“Ky proces duhet të jetë i ligjshëm dhe i ndërtuar në mënyrë të barabartë për të gjitha palët. Mendoj se është shkelur një nga pikat më të rëndësishme të garancisë së procesit gjyqësor që ka të bëjë me parashkrimin. Gjykata e Lartë ka thënë që nuk ka pezullim parashkrimi për ekzekutimin e vendimit, që do të thotë që një njeri i dënuar që fshihet, largohet për t’i shpëtuar dënimit, pas një kohe është i pafajshëm.

Për mua, për 10 vjet nuk ka pasur asnjë akuzë, asnjë ngarkesë penale. Për më tepër, kam qenë këtu, as i jam fshehur proceseve, as i jam fshehur drejtësisë dhe kjo shkelje është tërësisht flagrante”, tha Mediu.

LEXONI GJITHASHTU:

• “SPAK rihapi “Gërdecin” në kundërshtim me ligjin”, Mediu: 10 vite s’ka asnjë fakt
• “Do doja ta zhbëja”- Mediu ndjesë për “Gërdecin”: Kam përgjegjësi morale, jo penale