Çmimet në rritje, tregu i Novoselës drejt mbylljes

Tregu i Novoselës në funksion të konsumatorëve çdo të enjte nuk ka blerës. Ky treg ndodhet vetëm 20 minuta larg qytetit të Vlorës dhe hapet çdo ditë të enjte duke ofruar të gjitha produktet që nga ushqimoret e deri tek veshjet.

Tregtarët shprehen se qarkullimi i mallit është i ngadaltë, kjo për arsye se brezi i ri, i cili është konsumatori më i madh është larguar.

“Se ka ngelur vetëm brezi tretë, ja shikon të rinjtë këtu vetëm moshatarë, mungon ai që bluan, rinia që ha mungon,” – u shpreh një zonjë.

“Fuqia blerëse është shumë keq, po s’pati njerëz kush do haji. Kam 30 e ca vjet, ka pasur më shumë fuqi blerëse më përpara, para 5-6 vjetësh,” – tha një zotëri.

Ndërkohë banorët e fshatrave përreth, kryesisht pensionistë të cilët vijnë pothuajse çdo të enjte në tregun e madh të Novoselës ankohen për çmimet që rriten nga viti në vit, të papërballueshme për jetesën e tyre duke marrë parasysh pensionet e ulëta që përfitojnë.

LEXONI GJITHASHTU:

• E rëndë! Plagoset me thikë një 33-vjeçar në Novoselë të Vlorës (emri)
• Aksident me vdekje në Novoselë, shoferja përplas 60-vjeçarin