Musine Kokalari si figurë frymëzuese, stërmbesa: Qëndroi deri në fund ndaj agresionit komunist

Musine Kokalari ishte shkrimtarja e parë grua në Shqipëri, e cila në vitin 1943 së bashku me disa intelektualë të tjerë, krijoi Partinë Social Demokrate si dhe ka botuar 3 libra.

Por intelektualja e shkolluar me rezultate të shkëlqyera në “La Sapienza”, do të arrestohej për veprimtarinë e saj politike dhe do të dënohej me 18 vite burg.

Pas burgut u internua në Rrëshen, ku punoi në ndërmarrjen komunale dhe në ndërtim deri sa u sëmur nga kanceri e ndërroi jetë pasi iu mohua kujdesi shëndetësor.  

Linda Kokalari, stërmbesa e Musine Kokalarit thotë se ajo është një figurë frymëzuese jo vetëm për femrat por të gjithë shoqërinë pasi edhe përballë ndëshkimeve nga komunistët nuk shkeli mbi dinjitetin e saj.

“Është frymëzim për rininë e sotme. Jo vetëm që ishte politikane dhe udhëhoqi burra. Ajo që e bën të veçantë është qëndresa ndaj sulmeve, burgut dhe punës në ndërtim pa u ulur kokën, pa e humbur dinjitetin dhe integritetin. Nëse do të futej në kurrikulat mësimore atëherë frymëzimi i Musine Kokalarit do të bëhet i prekshëm”, u shpreh Linda Kokalari.

Duke folur për librat e stërgjyshes së saj, ajo tregoi se krijimtaria e Musine Kokalarit, ka tematikë jetën e përditshme të qytetit të Gjirokastrës dhe një pjesë tjetër janë tregime për përrallat që gjyshja u tregonte nipave rreth vatrës.

Lexoni gjithashtu:

Jeta e Musine Kokalarit| ‘Nuk kam nevojë që të jem komuniste për ta dashur vendin tim’