Asnjë rast me Hiv-Aids në qarkun e Korçës, punonjësja sociale zbulon arsyet

Gjatë dy viteve të fundit në bashkitë Korçë, Maliq dhe Pustec nuk ka asnjë rast të regjistruar me HIV-AIDS. Një gjë e tillë është bërë me dije nga Nertila Sterjo, punonjësja sociale e drejtorisë vendore të kujdesit shëndetësor në Korçë kur tha se gjatë këtyre dy viteve është shtuar në maksimum numri i testimeve për të shkëputur kështu zinxhirin e transmetimit të Sëmundjeve Seksualisht të Transmetueshme.

“Ne padyshim kemi rritur me sukses numrin e të testuarve që është dhe qëllimi kryesor i qendrës sonë. Vjet në vitin 2022 numëronim 692 të testuar. Deri tani pa përfshirë muajin nëntor dhe dhjetor kemi 670 të testuar dhe besoj e rrisim deri në fund të vitit. Muaji dhjetor starton dhe javën Europiane kundër HIV”, tha Sterjo.

Punojësja sociale e njësia vendore të kujdesit shëndetësor shton se zerimi i rasteve me sëmundje seksualisht të transmetueshme ka ardhur për dy arsye: Së pari numri në rritje i testimeve si dhe ndërgjegjësimi i të rinjve për këto sëmundje.

“Motoja jonë e gjithë këtyre viteve ka qenë që të mbajmë Korçën në nivelet 0 të infektimeve, bëjmë sensibilizime dhe informime për të tërhequr sa më shumë persona për testime vullnetare.

Nga ana e specialistes së kujdesit social bëhet me dije se në këto bashki kemi të bëjmë me 4 raste të izoluara por infektimi ka shumë vite që ka ndodhur.

LEXONI GJITHASHTU:

• Trembëdhjetë raste të reja me HIV/AIDS në Kosovë
• E infektuara ndan shenjat e HIV/AIDS: Humbje peshe, pneumoni e zgjatur, plogështi…