“Fëmijët s’e kanë kuptuar që u ka vdekur nëna”, vëllai i Liridonës flet pas gjyqit

Leonard Ademaj, vëllai i të ndjerës Liridona Ademaj ka thënë se aktualisht fëmijët i kanë në kujdes dy gjyshërit, prindërit e Naim Murselit, dhe se ata s’kanë insistuar që t’i marrin meqë gjendja emocionale e familjarëve është e rëndë.

“Me fëmijët kemi pasur kontakt. Shoqata sociale ka ardhur dhe ka qenë edhe te ata, që fëmijët janë mirë dhe mos keni merak për ta. Ata nuk kanë telefona që ne të komunikojmë me ta sepse janë të vegjël. Kujdesin e tyre e kanë gjyshja dhe gjyshi i tyre (prindërit e Naimit). Kanë ardhur e na kanë pyetur. Te ne është gjendja shumë katastrofale dhe fëmijët s’e kanë kuptuar akoma që nëna ka vdekur dhe nëse vijnë te ne e kanë më të lehtë ta kuptojnë se çfarë është duke ndodhur. I kemi lënë te ata, sepse janë edhe fëmijët e vëllait të Naimit dhe po e kalojnë kohën me ta pa e kuptuar”, tha ai.

Leonard Ademaj s’ka marrë pjesë në seancë në seancën dëgjimore ku kanë dalë tre të dyshuarit, përfshirë edhe Naim Murselin.

LEXONI GJITHASHTU:

• Bashkëshorti pranon vrasjen e Liridona Murselit, zbulohet shuma që pagoi autorin
• Dyshohet se u vra nga grabitësi, përcillet për në banesën e fundit Liridona Murseli