Policia publikon foton e autorit të atentatit në Don Bosko: Na ndihmoni ta gjejmë

Policia e Tiranës ka publikuar foton dhe emrin e personit i cili mëngjesin e të enjtes, qëlloi me armë në drejtim të një automjeti në zonën e Don Boskos.

Ngjarja ndodhi rreth orës 06:45 të mëngjesit të 14 dhjetorit dhe agresori u identifikua pas kqyrjes së kamerave të sigurisë, si shtetasi Andrea Bregasi.

Pasi qëlloi 6 plumba ndaj automjetit, ku udhëtonte shtetasi Rudolf Zefi, autori u pa i qetë nga kamerat e sigurisë, teksa largohet dhe ndez një cigare.

Policia fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm.

Më poshtë gjeni numrat e telefonin të vënë në dispozicion nga policia.

“Lidhur me ngjarjen e ndodhur ditën e djeshme, më datë 14.12.2023, rreth orës 06:50, në rrugën “Don Bosko”, ku një person që lëvizte i vetëm në këmbë, ka qëlluar disa herë me armë zjarri pistoletë në drejtim të automjetit “Benz”, me drejtues shtetasin R. Z., dhe pasagjerë shtetasit R. Z., dhe R. Z., ju informojmë se:

Strukturat e DVP Tiranë, Sektori për Hetimin e Krimeve të Rënda, në bashkëpunim me Komisariatin e Policisë Nr. 3, pas kryerjes së veprimeve të thelluara hetimore, dhe informacioneve të marra nga inteligjenca policore, bënë të mundur identifikimin dhe shpalljen në kërkim të autorit të dyshuar të ngjarjes, shtetasi Andrea Bregasi, i ditëlindjes 09.12.1992, banues në Tiranë.

DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorit.

Drejtoria Vendore e Policisë Tiranë vendos në dispozicion të qytetarëve, numrin e telefonit 0694111546, duke garantuar anonimatin e plotë të çdo telefonuesi”, thueht në njoftimin e policisë.