Vrau Arben Lleshin në burgun e Peqinit, rrëfehet para kryeprokurorit autori Mjacaj

Autori i sulmit të sotëm në burgun e sigurisë së lartë në Peqin, ku mbeti i vdekur Arben Lleshi dhe u plagos Indrit Shaqe, ka rrëfyer detaje si ndodhi ngjarja para kryeprokurorit të Elbasanit, Kreshnik Ajazi.

Sokol Mjaçaj ka thënë se ka qenë në ambjetet e ajrosjes, ka thirru tre herë Arben Lleshin dhe në momentin që ai ka dalë në dritare, e ka qëlluar.

Gazetari i Euronews Albania Eni Ferhati bëri me dije se pas vrasjes Mjacaj nën kërcënimin e armës ka shkuar në dhomën e takimeve, ku ka mbajtur peng dhe familjarë të të dënuarve.

Ai i ka bërë rezistencë policisë së burgjeve, ndërkohë që në momentin që ka parë RENEA-n ka hedhur armën e krimit dhe është dorëzuar për shkak të frikës së eliminimit fizik.

Veprimi i Sokol Mjacaj erdhi menjëherë pas njoftimit të ministrit Ulsi Manja, paraditen e kësaj të premteje, se ai do të futej në regjimin 41 bis.

Ende nuk dihet si ai mundi ta siguronte armën e krimit, ndërkohë që vijon puna për zbardhjen e ngjarjes.

Dyshohet se Mjacaj mund të jetë paguar për kryerjen e eliminimit të Lleshi, pasi ky i fundit rezulton i dënuar për vrasjen dhe djegien e Agim Hoxhës në Britani.

Vrasja në Britani ka nisur një sagë hakmarrjeje mes dy familjeve, ku Arben Lleshit i janë vrarë babai dhe disa pjesëtarë të tjerë të familjes.

LEXONI GJITHASHTU:

• Vrasja me armë brenda burgut të Peqinit, reagon për herë të parë ministri Manja
• Kush janë 3 të dënuarit përjetë që u përplasën në burgun e Peqinit