Reforma Zgjedhore fut palët në shinat e dialogut, sot pasdite mblidhet Këshilli Politik

Sot pasdite pritet të mblidhet për herë të parë Këshilli Politik. Ai u krijua të martën nga tryeza e PS–PD–LSI dhe Rudina Hajdari si pjesë e opozitës parlamentare, për të arritur në një marrëveshje për Reformën Zgjedhore.

Këshilli politik pritet të mblidhet në orën 17.00 të ditës së sotme dhe do të formohet me përfaqësuesit e opozitës jashtëparlamentare, drejtuesve të komisionit të reformës zgjedhore dhe përfaqësuesve të grupeve parlamentare në parlament. 

Partia Demokratike e Shqipërisë ka mbledhur mbrëmjen e kaluar aleatët e saj për të përcaktuar përfaqësuesit e tyre që do të marrin pjesë në këtë këshill duke e zgjeruar numrin e përfaqësuesve të saj në këtë takim.

Kryetari i Partisë Demokratike, Lulzim Basha, ka sqaruar ditën e djeshme në një konferencë për shtyp pozicionin politik të Partisë Demokratike pas arritjes së marrëveshjes për Reformën Zgjedhore me mazhorancën. Ai shprehu vendosmërinë se kjo reformë  do të udhëhiqet nga kushtet e Bundestagut duke akuzuar të gjithë anëtarët e parlamentit, mazhorancë e opozitë.

Si objektiv të parë opozita ka vijimin e procesit për mos-zvarritjen e afatit për përmbylljen e saj brenda 15 marsit, ndërsa uljen në tryezë me Damian Gjiknurin, kryedemokrati nuk e cilëson si amnisti.