Tërmeti në Greqi, Plangarica: 200 banesa janë cilësuar të pabanueshme, banorët do të strehohen nëpër çadra

Në një intervistë për Euronews Albania sipërmarrësja, Arminda Plangarica tha se tërmeti që ra ditën e mërkurë në Larisa të Greqisë me magnitudë mbi 6 ë shkallës Richter, fatmirësisht nuk shkaktoi dëme në jetë njerëzore, por vetëm dëmtime materiale të banesave.

Sipas Plangaricës nga tërmeti i datës 3 u dëmtuan rreth 30 shtëpi që ishin të vjetra dhe u cilësuan jashtë standardit nga inxhinierët e ndërtimit. Ndërsa pas goditjes sizmike gjatë mbrëmjes së djeshme 200 shtëpi janë cilësuar nga autoritete të pabanueshme. Tërmeti i të enjtes mbrëma ra rreth orës 21:00 me një magnitudë 5.9 u ndje edhe Shqipëri.

“Nga të gjitha shtëpitë që kanë dalë të pabanueshme nga autoritetet, banorët janë jashtë dhe po shikohet që të strehohen disa nëpër çadra dhe kontejner”- tha sipërmarrja.  

Pas dy tërmeteve të fuqishme, Greqia po kalon një situatë të rënduar lidhur me përballje me pandeminë e COVID-19, pasi ditët e fundit ta pasur një rritje të numrit të viktimave dhe infektimeve. Lidhur me këtë, autoritete kanë ashpërsuar masat kufizuese anti-covid, si dhe disa qytete janë cilësuar si zona të kuqe duke i vendosur banorë në izolim.

Epiqendra e tërmetit të mbrëmshme raportohet se ka qenë në Elasona me thellësi 10 kilometra, sipas një vlerësimi paraprak nga Instituti Gjeodinamik i Observatorit Kombëtar të Athinës.

Lëkundjet e djeshme pasojnë tërmetin e fortë të së mërkurës në Larisa të Greqisë, i cili ishte me magnitudë 6.2 ballë i shkallës Rihter, që la pas dëme të konsiderueshme materiale.

Lexoni gjithashtu:

Tjetër tërmet i fortë në Greqi, lëkundjet ndjehen edhe në Shqipëri

Tërmeti me magnitudë 6.2 godet Greqinë, epiqendra pranë Larisës