Kërcënimet nga Serbia, Maqedonci: Rastet kur do dërgohen trupat e FSK në Veri

Ministri i Mbrojtjes së Kosovës, Ejup Maqedonci, ishte i ftuar këtë të premte në Euronews Albania, ku foli mbi sfidat e sigurisë me të cilat haset Kosova.

Maqedonci tha se armatosja e Serbisë dhe doncianet që ajo merr për mbështetjen e ushtrisë nga vende Jashtë NATO-s, është një kërcënim për të gjithë rajonin dhe një sfidë për aleancën euro-atlantike.

Maqedonci foli dhe mbi rastet kur trupat e Forcës së Sigurisë së Kosovës mund të shkojnë për operacione në veri të vendit.

Ministri i Mbrojtjes theksoi se FSK ka mandat të veprojë në të gjithë territorin e Kosovës dhe kur të jetë e nevojshme ndërhyrja në operacione në Veri ata do të jenë aty.

Ai tha se lëvizja e trupave të FSK në veri të vendit do të bëhet gjithmonë në koordinim me KFOR-in.

“Forca e Sigurisë së Kosovës ka mandat që të veprojë në të gjithë territorin e Kosovës. Një ndër detyrat kyçe që kemi është mbrojtja e territorit por dhe mbështetja ushtarake e autoriteteve civile që nënkupton mbështetjen e emergjencave civile. Ne kemi qenë prezent dhe në të kaluarën në Veri, kur ka qenë e nevojshme. Ne vazhdojmë të respektojmë vendimin e vitit 2013 për mospërfshirjen e Forcave të Sigurisë së Kosovës, për operacione në Veri pa koordinim paraprak me KFOR-in. Ne jemi në kontakt me KFOR-in rreth nevojës së tyre për t’i mbështetur në ndonjë operacion të mundshëm në Veri të vendit.

Vendosja me baza në Veri është gjë që përcaktohet me planifikimin e infrastrukturës së FSK. Mund të mos jetë e nevojshme kurrë të vendosim bazë në Veri, ashtu sikurse nuk kemi baza në Jug.

Atëherë kur të nevojitet prezenca jonë atje, ne do të jemi atje, por gjithmonë paaprakisht duke u koordinuar me trupat e KFOR-it.

Kur ka ngjarje ne i ofrojmë mbështetjen NATO-s dhe trupave të KFOR-it, ashtu sikurse dhe ata kanë kërkuar ndihmën e focave tona”, tha Maqedonci.

LEXONI GJITHASHTU:

• Kërcënimet nga Serbia, Maqedonci: Rastet kur do dërgohen trupat e FSK në Veri
• Osmani: Kosova sa më shpejt në NATO dhe BE, vonesat destabilizojnë Ballkanin