Seanca për Berishën në GJKKO, avokati i tij: Gjyqtarëve t’u vijë turp nga vetja

Avokati i ish-kryeministrit Sali Berisha, Genc Gjokutaj, është shprehur se gjyqtarët e GJKKO-së janë të njëanshëm dhe të urdhëruar politikisht.

Komentet Gjokutaj i bëri pas përfundimit të seancës për masën e sigurisë për Berishën në GJKKO.

Gjokutaj tha gjithashtu se gjyqtarëve duhet t’u vijë turp nga vetja për veprimet e tyre.

“Nëse një kërkesë nuk ngrihet në ‘shkallë të parë’, në ‘Apel’ nuk mund ta ngresh. Në fakt ligji na jep tre ditë për paraqitjen e provave, ata thanë për nesër. Kurioziteti juaj është nga absurd ii gjykatës, nga mënyra sesi ajo gjykatë po vepron. Rrëzim 100 % të kërkesave. Unë nuk kam pakënaqësi ndaj gjykatës, është një gjykatë e urdhëruar politikisht, gjykatë e njëanshme, unë nuk kam pakënaqësi, atyre duhet t’u vijë turp nga vetja”, tha Gjokutaj.

Kujtojmë se SPAK ka kërkuar masën e sigurisë “arrest shtëpie” për Berishën, për korrupsion në dosjen e privatizimit t ëish-kompleksit Partizani.

LEXONI GJITHASHTU:

• Berisha reagon për vendimin e Gjykatës së Lartë për vulën e PD-së
• Kërkuan praninë e mediave në seancë, rrëzohet kërkesa e avokatëve të Berishës