Nostalgjia e kalendarëve në Gjirokastër, pensionistët të apasionuar pas të vjetrës

Festat e fundvitit kanë rikthyer nostalgjinë e familjeve në Gjirokastër për të blerë mes të tjerash edhe kalendarët e vitit që do të nisë pas disa ditësh.

Librari Ylli Duro tregton kalendarët vjetorë në qytetin e gurtë ndërsa shprehet se ka një rikthim të interesit për të tërhequr kalendarët veçanërisht për mjediset familjare

 “Në përgjithësi moshat e treta i kanë nostalgji dhe do ta marrë një kalendar se s’bën, sikur edhe bukë mos kenë për të paguar lekët do vijnë kalendarin  ta marrin, e duan të lirë por në përgjithësi nuk kanë ndryshuar çmimet tek dy mijë lekëshi janë sërish. Me pamje nga qyteti i kanë këta që vijnë nga jashtë që kërkojnë kalendar të mirë dhe thonë ka të Gjirokastrës që ta kenë atje”- u shpreh Ylli Duro, librar.

Më të preferuara janë kalendarët  me imazhet turistike nga vendi ynë veçanërisht nga qyteti i Gjirokastrës që tërheqin edhe të huajt për ti marrë si kujtim nga udhëtimi i tyre i fundvitit në Shqipëri

 “Imazhet pamje nga qyteti ynë të gjithë vijnë  dhe kërkojnë edhe një i huaj që vjen thotë ke ndonjë me pamje nga Gjirokastra, mirëpo kalendarët këta vendosin vetëm një  nga qyteti ynë dhe në përgjithësi vendosin  qytetet e tjera Korçën, etj,  por këta që vijnë marrin më tepër duan  Gjirokastrën,  këtu tek ne edhe këta që vijnë d.m.th e kërkojnë  Gjirokastrën të gjithë, të njëjtën kërkesë kanë”- shtoi Duro.

LEXONI GJITHASHTU: 

• Shtyhet vendimi për Berishën, Gjokutaj: Kemi prova për njëanshmërinë e gjyqtares
• Berisha, Meta dhe dosja tjetër e Gërdecit, Dumani flet për hetimet që po kryen SPAK