Ushtroi dhunë ndaj tezes së tij, arrestohet 34-vjeçari në Korçë

Një 34-vjeçar është arrestuar nga policia e Korçës këtë të martë. Uniformat blu bëjnë me dije se i riu u ndalua në flagrancë duke ushtruar dhunë ndaj tezes së tij.

“Specialistët për Hetimin e Krimeve të Komisariatit të Policisë Korçë arrestuan në flagrancë shtetasin Sh. N., 34 vjeç, banues në Korçë, pasi dyshohet se ka ushtruar dhunë ndaj tezes së tij”, njofton policia.

Gjithashtu policia bën me dije se ka filluar procedim penal dhe ndaj një 31-vjeçari nga fshati Psikupat, pasi kanosi me fjalë një bashkëfshatarin e tij.

Njofimi i plotë i policisë:

DVP Korçë/Vihet në pranga 1 shtetas dhe procedohet në gjendje të lirë 1 tjetër, për vepra të ndryshme penale.

-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin Sh. N., 34 vjeç, banues në Korçë, pasi dyshohet se ka ushtruar dhunë ndaj tezes së tij.

-Specialistët për Hetimin e Krimeve të Komisariatit të Policisë Pogradec referuan materialet në Prokurori ku filloi procedimi penal në gjendje të lirë për shtetasin E. L., 31 vjeç, banues në fshatin Piskupat, Pogradec, pasi në fshat dyshohet se ka kanosur me fjalë shtetasin V. S.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

LEXONI GJITHASHTU:

• Plagosje me thikë në Shkodër, dy të lënduar
• Plagosja me armë në Kurbin, policia zbardh ngjarjen