SPAK-u “shënjestron” sterilizimin, gati 12 fletëthirrje për të kallëzuarit nga Shoqëria Civile

Prokuroria e Posaçme Kundër Krimit të Organizuar dhe Korrupsionit SPAK identifikon 12 personat që nga e hëna 20 janarit do të pyeten në lidhje me kontratën koncesionare të sterilizimit.

 Pas regjistrimit të këtij kallëzimi janë caktuar dy prokurorë të Njësisë së Korrupsionit në SPAK dhe kanë nisur veprimet konkrete.

 Burime sqaruan për mediat se fillimisht do të pyeten personat e kallëzuar që kanë firmosur kontratën Partneritet-Publik-Privat si dhe përfaqësuesit e kompanisë private përfituese e këtij partneriteti.

 Kallëzimi u dorëzua nga një organizatë e shoqërisë civile në SPAK më 23 dhjetor dhe me anë të tij kërkohet hetimi i ish-zyrtarëve të lartë të cilës, sikurse thuhet në kallëzim i kanë kaluar padrejtësisht një shërbim publik me kosto të ulët një kompanie private duke harxhuar më shumë para nga buxheti i shtetit.