Çifti i bashkëshortëve gjenden të vdekur në shtëpinë e tyre

Një ngjarje e rëndë ka ndodhur në Skoci në Mbretërinë e Bashkuar, ku një çift (burrë e grua) janë gjetur të vdekur në shtëpinë e tyre.

Sipas mediave të huaja, Policia ka thënë se vdekjet po trajtohen si “të pashpjegueshme”, por shtoi se nuk ka prova që sugjerojnë se dikush tjetër ishte i përfshirë.

Po ashtu bëhet e ditur se viktimat janë Neil McLaughlin, 57-vjeç, dhe Alison McLaughlin, 53-vjeç.

Policia shkoi në shtëpinë e tyre në Banff Road në qytetin Inverclyde të Greenock rreth orës 17:05 të së premtes pasi dikush raportoi shqetësimin e tyre për çiftin.

Oficerët shtuan se hetimet janë duke u zhvilluar ndërsa po përpiqen të zbulojnë se çfarë ka ndodhur.

Inspektori i detektivit Gordon Smith tha: “Mendimet tona janë me familjen dhe miqtë e Neil dhe Alison”.

“Ne po u ofrojmë familjeve të tyre mbështetje të specializuar në këtë kohë tepër të vështirë. Ata kanë kërkuar privatësi”.

“Për momentin nuk kemi asnjë informacion për të sugjeruar se dikush tjetër është i përfshirë në lidhje me vdekjet dhe nuk ka asnjë rrezik për publikun e gjerë”.

“Një prezencë e policisë do të qëndrojë në zonë derisa hetimi ynë të vazhdojë dhe kushdo që ka shqetësime duhet të flasë me oficerët.”

Policia tha se do t’i dërgohet kallëzim prokurorit për të vijuar me hetimin e çështjes.

LEXONI GJITHASHTU:

• Aksident me vdekje në Tiranë
• Vdekja e Bedrie Lokës, i vëllai: E vrau bashkëshorti, çfarë më tha në shtator