I ngarkuari me punë i SHBA takon kreun e AMP, zbardhen diskutimet

I Ngarkuari me Punë i SHBA-së, David Wisner, bashkë me Atasheun për Asistencë në Çështjet e Zbatimit të Ligjit, drejtues i ICITAP për Shqipërinë, Richard Deasy dhe Këshilltaren Ligjore Rezidente të OPDAT, takuan në ambientet e AMP, kreun  e ri të këtij institucioni Florian Sulejmani

Ambasadori në detyrë i SHBA, garantoi mbështetjen e palëkundur që ofron ambasada e SHBA për të rritur kapacitetet e Agjencisë së Mbikëqyrjes Policore në funksion të zbatimit të ligjit.

“Wisner theksoi përkushtimin për forcimin e partneritetit përmes programeve ICITAP dhe OPDAT, me qëllim parandalimin e korrupsionit apo paligjshmërive brenda radhëve të Policisë së Shtetit. Ky bashkëpunim përfshin trajnime të vazhdueshme dhe cilësore të personelit të Agjencisë, të cilat synojnë të rrisin eficencën e hetimeve proaktive në funksion të goditjes së paligjshmërisë, duke përmbushur kështu edhe pritshmëritë e publikut për një shërbim policor në përputhje me standardet evropiane”, bëhet me dije në një njoftim për mediat të AMP.

Wisner përgëzoi përkushtimin dhe vendosmërinë e Drejtuesit të Agjencisë në përmbushjen e misionit për mbikëqyrje civile, transparente dhe të pavarur, trajtimin e shkeljeve të ligjit dhe luftën kundër korrupsionit. Ai siguroi mbështetje të vazhdueshme përmes asistencës teknike dhe profesionale për sektorë të veçantë si hetimi, inspektimi dhe trajtimi i ankesave.

LEXONI GJITHASHTU:

• A është imun nga ndjekja penale Trump? Gjykatësit e Apelit në SHBA japin qëndrimin
• Blinken: SHBA mbështet hapa konkretë për një shtet palestinez