Takoi përfaqësuesit e OSBE, Gjiknuri zbardh bisedën: Në fokus ligji elektoral

Bashkëkryetari në tryezën për reformën zgjedhore, Damian Gjiknuri, ka reaguar pas takimit që ai pati në selinë e Kuvendit me përfaqësuesit e OSBE-së.

Gjiknuri bën me dije se në takim u diskutua në lidhje rifillimin e punës së komisionit për reformën zgjedhore. Sipas deputetit socialist, synim i punimeve të këtij komisioni mbeten rekomandimet e OSBE-ODHIR, si dhe vendimet e Gjykatës Kushtetuese.

“Pata kënaqësi të takoja sot përfaqësuesit e zyrës së OSBE-së në Shqipëri me të cilët diskutuam mbi procesin e reformës zgjedhore, rifillimin e punës në Komisionin e Posaçëm Parlamentar me synim adresimin në ligjin elektoral të rekomandimeve të OSBE/ODIHR dhe vendimeve të Gjykatës Kushtetuese. I falenderova për mbështetjen e deritanishme dhe për gatishmërinë për të vazhduar këtë angazhim edhe më tej, përmes ekspertizës më të mirë nga ODIHR, e cila do të ndihmojë komisionin për të arritur zgjidhjet e duhura teknike në funksion të adresimit të plotë të rekomandimeve”, shkruan Gjiknuri në facebook.

LEXONI GJITHASHTU:

• Reforma zgjedhore, reagon OSBE: Mezi presim të angazhohemi me të gjithë aktorët
• Reforma Zgjedhore, Rama: Kanë ndryshuar kohët, bëhet dhe pa komision bipartiza