“Trump si fenomen”-Diplomati: Janë disa politika që e sjellin atë në pushtet në SHBA

Diplomati Agim Nesho është shprehur se ish-presidenti i SHBA-ve, Donald Trump, po del tani si një fenomen në Amerikë.

Komentet Nesho i bëri në Euronews Albania, ku tha se janë disa politika që e sjellin Trump në pushtet, siç është ajo e emigracionit.

Ai tha gjithashtu se në opinionin publik amerikan akuzat e drejtësisë ndaj Trump janë perceptuar si presion kundër tij.

“Në Amerikë nuk ka rëndësi mosha, sepse nuk janë individët që përcaktojnë politikat. Një president është i mirë nëse këshilltarët e tij janë shumë të mirë. Jemi para fillimit të ndeshjes, nuk ka përfunduar akoma. Në SHBA janë disa shtete që provohen se janë si lakmuesi i parë për të provuar se kush është përpara. Tramp nuk fitoi në këtë shtet që sot fitoi me një rezultat shumë të thellë.

Po ashtu është Nju Empshir. Pastaj janë zgjedhjet në Karolinën e Jugut. Pastaj janë 10 shtete. Trump pati një ngritje, sidomos te evangjelistët. Ata ishin mirënjohës për dy gjëra. E para për përpjekjet e Trump për kryeqytetin e Izraelit dhe politikën përkrahëse të Izraelit në Lindjen e Mesme. Amerikanët nuk pranojnë që asnjë institucion të vendosë kush do drejtojë vendin e tyre.

Çdo presion apo perceptim presioni, këto e kanë sensibilizuar opinionin publik amerikan. Trump tani po del si një fenomen. Unë mendoj se politikat që sjellin Trump në pushtet janë qëndrimi i tij për emigracionin. Kjo është çështje tepër sensitive. Janë politikat ekstreme që administrate Biden nuk ka arritur dot të marrë pozicionin e qendrës, pork a kaluar shumë majtas”, tha Nesho.

LEXONI GJITHASHTU:

• A do dënohet Trump para zgjedhjeve në SHBA? Crawford: Ja çfarë thonë sondazhet
• Donald Trump fiton bindshëm zgjedhjet brenda republikanëve në Iowa