Përgatitjet për Maturën Shtetërore, fokusi tek gjuha shqipe dhe letërsia

Matura Shtetërore ka nisur përgatitjet për provimet e fundit. Rezultatet e vitit të kaluar, por dhe testi i PISES kanë sjellë dhe njëherë fokusin në problematikat që kanë nxënësit.

“Problematika ka të bëjë me letërsinë dhe gjuhën që sa vjen e zbehet. E hasur çdo vit, kemi filluar që nga klasa e dhjetë dhe argumentimi dhe forca e argumentit janë ato që punohet fort për të arritur drejt zgjidhjes…Nxënësit duhet të lexojnë saktë, drejtë dhe t’i orientohen pjesëve kyç brenda një fragmenti, dhe kjo është ajo që i penalizon duke mos e qasur realitet me atë çfarë lexojnë”, thotë Esmeralda Patoshi, mësuese e gjuhës shqipe dhe letërsisë.

Orët e këshillimit, konsultimet, por dhe tezat parapërgatitore, janë disa modele ku nxënësit e gjimnazeve janë orientuar për t’u përgatitur për provimet e maturës 2024.

“Puna ime personale është rritur, duke qenë se datat po vijnë, kam filluar fazat parapërgatitore. Kam punuar me orët konsultime…kemi punuar me lloj-lloj tezash, zgjidhim problema matematike. Sigurisht, çdo gjë që të jem sa më e gatshme”, thotë Emili Aga, maturante.

Gjuha shqipe dhe letërsia ishte ajo lëndë që ngriti polemika të shumta. Kjo, pasi nxënësit patën rezultate të dobëta, ku ajo që u vu re ishte mungesa e mendimit kritik në shkrimin e esesë por dhe gabimet drejtshkrimore.

LEXONI GJITHASHTU:

• Mësuesja: Para 15 vitesh kishte 7 matura, tani mezi bëhen 3 klasa në Bajram Curri
• Maturantja shkruan libër për fizikën, Moana Gorezi: Dua ta kuptojnë dhe të tjerët