Mësuesja: Para 15 vitesh kishte 7 matura, tani mezi bëhen 3 klasa në Bajram Curri

Gjatë vitit 2022, rreth 10% e vajzave në moshë shkollore nuk e ndjekin arsimin e detyrueshëm 9-vjeçar. Në vitin 2014, ky tregues ishte më pak se 2%.

INSTAT raportoi se, niveli i pjesëmarrjes bruto në arsimin e detyrueshëm është 96,9% për djemtë dhe 90,4% për vajzat. Edhe pjesëmarrja në nivelin e mesëm të studimeve është më e lartë për djemtë se për vajzat, përkatësisht 95,7% dhe 90,2%, ndërsa në nivelin universitar, raporti përmbyset, ku pjesëmarrja është më e lartë për vajzat, me 74,7% krahasimisht me djemtë me 51,5%.

Monika Mulaj, mësuese në Bajram Curri, është shprehur se numri i nxënësve po bie nga viti në vit.

Në një intervistë për emisionin “Good Morning Albanians” në Euronews Albania, ajo theksoi se vitin e kaluar përcollën 7 matura ndërsa këtë vit katër.  Ajo shtoi se familjet po largohen drejt vendeve të tjera.

“Konsiston që çdo vit numri i nxënësve në shkolla është më i ulët se një vit më parë . Unë kam 15 vite që jam pjesë e stafit pedagogjik. Vitin e parë ishin 7 matur. Këtë vit përcollëm vetëm 4 matura, ndërsa në klasë të 10 u regjistruan vetëm 3 matura. Shkaku kryesor ka qenë largimi i familjeve drejt vendeve tjera”-tha ajo.

LEXONI GJITHASHTU: 

• Zbardhet vrasja në Shkodër, 70-vjeçari u vra nga fqinji (Detajet)
• Përlotet fermerja: 3 vajzat bënin 2 orë rrugë për të shkuar në shkollë