Gjysmëfinalet e Australian Open, supersfida Djokoviç-Sinner

Australian Open dalëngadalë po shkon drejt fundit, ku padyshim surprizat nuk kanë munguar. Një prej tyre ishte eliminimi i Alcaraz, në përballjen e luajtur dhe të humbur ndaj Alex Zverer.

Gjermani avancoi më tej, aty ku në gjysmëfinale e pret rusi Medvedev. Të premten do të zbardhen emrat e tenistëve finalist të këtij sezoni, teksa përballja tjetër është ajo mes Djokoviç dhe Sinner. 3 prej tenistëve të cilët kanë mbërritur në këtë fazë të kompeticionit cilësoheshin favoritë për ta fituar, ku padyshim ai me më tepër potencial është serbi.

36-vjeçari e ka fituar plot 10 herë Australian Open, më tepër se çdo tenist tjetër në histori, duke lënë pas edhe Federer e Nadal. Përballja e së premtes do të jetë jo e lehtë për të, duke llogaritur këtu që ndeshet me numrin 4 të botës, por dhe sfidat e fundit mes tyre nuk kanë pasur një fitues të vetëm. Në 5 duelet e fundit, 2 i takojnë italianit dhe 3 Djokoviç.

Gjysmëfinalja e dytë që luhet të premten, po ashtu premton spektakël, aty ku Zverer, që mund të konsiderohet surprizë sfidon rusin Medvedev. Sfidat e fundit kanë nga 5 fitore secili, ndërsa në ato direkte, rusi e ka mposhtur Sinner në 4 nga 5 përballjet. Edhe në këtë sfidë cilësohet favorit, por diçka e tillë nuk duhet marrë parasysh, ashtu si Zverer surprizoi Alcaraz, duke e dërguar këtë të fundit në shtëpi.

LEXONI GJITHASHTU:

• Halep përjashtohet nga tenisi për katër vjet
• Tjetër trofe për Xhokoviç, tenisti serb triumfon në finalen e US Open