Tjetër trofe për Xhokoviç, tenisti serb triumfon në finalen e US Open

Fitorja në finalen e US Open e ka cuar në 24 numri ne grand slameve të fituar nga Novak Xhokoviç, me tenistin serb që mposhti Medvedev me rezultatin 3-0. Pas 3 orësh e 17 minutash, 36-vjecari i dha fund sfidës ndaj kundërshtarit të tij, ndërsa shtoi një tjetër trofe në kabinet.

Përballja finale e Us Open ishte një spektakël i vërtetë, ndërsa tregoi dhe një herë tjetër se serbi është tenisti më i mirë në botë. Seti i parë u fitua 6-3 nga Xhokoviç, për të vijuar më pas 7-6 dhe sërish 6-3. Ky ishte titulli i katërt i fituar, ndërsa ka arritur të shkëputet nga kundërshtarët e tij sa i përket Grand Slameve. Rafael Nadal ka fituar 22 të tillë, ndërsa Djokovic arrin në kuotën e 24 fitoreve.

Sa i përket karrierës së 36-vjecarit, është absolutisht një rekordmen me 10  Australian Open, 7 Wimbledon, 4 US Open dhe 3 herë fitues në Roland Garros. Një ecuri të mirë në këtë kompeticion kishte dhe rusi Medvedev i cili eliminoi në gjysmëfinale pretendentin kryesor Alcaraz, i cili ka braktisur fronin. Tanimë në krye të botës në tenis qëndron Novak Xhokoviç, me renditjen që vijon më pas me Alcaraz e Medvedev.

LEXONI GJITHASHTU:

• Djokoviç revansh ndaj Alcaraz, tenisti serb mposht rivalin spanjoll
• Nominimet për Topin e Artë, Messi në kërkim të trofeut të 8-të. Mungon Ronaldo