Aksident në Berat/ Përplaset nga makina një 85-vjeçar, dërgohet menjëherë në spital

Një aksident ka ndodhur sot në orët e para të paradites në fshatin Lapardha.  Një automjet, tip Skoda, me targa AA 124 JZ, ka përplasur një të moshuar në rrugën e fshatit.

Ngjarja ka ndodhur në qendër të fshatit Lapardha dhe 85-vjeçari Ramadan Boni është goditur nga mjeti dhe ka rënë në rrugë.

I plagosuri është transportuar drejt Spitalin Rajonal Berat, ku ndodhet nën kujdesin e mjekëve, ndërkohë që drejtuesi i mjetit, shtetasi me inicialet A.A është shoqëruar në polici për të dhënë shpjegime në lidhje me ngjarjen.

Në vendngjarje kanë shkuar forcat e policisë, që po kryejnë edhe këqyrjen e vendit të aksidentit, për të konfirmuar shkaqet dhe dinamikën e tij.

LEXONI GJITHASHTU:

• VIDEO| Aksident i rëndë në autostradën Tiranë-Durrës, makina përmbyset mbi asfalt
• Shkup, 39 vjet burg ndaj të akuzuarve për aksidentin me autobus më 2019