VIDEO| Momenti kur gruaja që mbahej e ngujuar kthehet në banesë, burri: Isha xheloz

35-vjeçari Jetnor Zhaboli,me profesion ekonomist është arrestuar këtë të premte pasi prej disa muajsh ai kishte “burgosur” në shtëpinë e tij nënën, bashkëshorten dhe vajzën e tij 9-vjeçare.

Para policisë ai ka deklaruar se këtë gjë e ka bërë nga xhelozia. Përveçse i mbante të “burgosura” ai u kishte ndaluar atyre të komunikonin me familjarë të tjerë duke u bllokuar edhe valët e telefonit.

Zhaboli gjithashtu kishte vendosur kamera sigurie në të gjitha ambientet e brendshme e të jashtme të banesës, madje edhe në tualet. Ndërsa i vetmi person që mund të dilte nga shtëpia, prej disa muajsh ishte djali 5-vjeçar. Gazetarja Sara Demushi ishte në një lidhje direkte për Euronews Albania ku tregoi më tepër detaje.

“Sipas hetimeve i vetmi person që dilte nga shtëpia ishte Jetnori dhe djali i tij i mitur të ciline çonte si parashkollor në shkollë, ndërsa bashkëshortja, nëna dhe vajza e tij e mitur nuk dilnin prej disa muajsh nga banesa. Sipas 35-vjeçarit, duke iu referuar dëshmisë që dha para oficerëve, shkak ka qenë xhelozia, ndaj kishte vendosur këtë mënyrë jetese për familjarët e tij”,-tha gazetarja Demushi.

Euronews Albania ka siguruar gjithashtu videon ku bashkëshortja e mbajtur prej disa muajsh e ngujuar në banesë kthehet në shtëpi pasi ka dëshmuar në polici.

LEXONI GJITHASHTU:

• Ky është ekonomisti që mbante prej muajsh të ngujuar familjen: Doja t’i kontrolloja
• Kishte montuar kamera në tualet, si 35-vjeçari mbante të mbyllura gruan e fëmijët