Papa Françesku e cilëson racizmin si një ‘virus që pëson mutacione të shpejta’

Papa Françesku denoncoi të dielën racizmin, duke e krahasuar atë me një virus.

Ai shkroi në Twitter për racizmin në datën që Kombet e Bashkuara shënojnë si Dita Ndërkombëtare për Eliminimin e Diskriminimit Racor.

Papa e krahasoi racizmin me “një virus që pëson mutacione të shpejta dhe në vend që të zhduket, fshihet dhe rri në hije”.

“Raste të racizmit vazhdojnë të na turpërojnë, sepse ato tregojnë se progresi ynë i supozuar shoqëror nuk është aq real ose përfundimtar sa mendojmë,” shkroi Papa në postimin e tij në Twitter.

Ai nuk përmendi asnjë rast të veçantë racizmi apo vend.

“Të gjithë vëllezërit”, është titulli o dokumentit të veçantë mësimor, të cilin Papa publikoi vitin e kaluar në mes të pandemisë COVID-19 për të kërkuar solidaritet, vëllazërim dhe kujdes për mjedisin në të gjithë botën.