Vlen 208 mld $| CEO i Louis Vuitton kalon Musk në listën e më të pasurve të Forbes

26 Janar 2024 | 22:20

Francezi Bernard Arnault, president dhe CEO i kompanisë globale të mallrave luksoze LVMH (Louis Vuitton Moet Hennessy) është personi më i pasur në botë, pasi mori vendin e parë nga sipërmarrësi amerikan Elon Musk, sipas revistës Forbes.

Sipas Forbes, pasuria e Arnos është rritur me 23.6 miliardë dollarë dhe aktualisht vlerësohet në 207.8 miliardë dollarë.

Elon Musk ra në vendin e dytë me kompanitë e tij Tesla dhe SpaceX duke e ndihmuar atë të arrijë një vlerë neto prej 204.5 miliardë dollarësh.

Lajmi vjen pasi kompania e Musk, Tesla, ra 13 për qind të enjten, duke bërë që biznesmeni amerikan të humbasë më shumë se 18 miliardë dollarë në vlerë neto.

Ndërkohë, aksionet e LVMH janë rritur me mbi 13 për qind sot pas lajmeve për shitje të forta. Kapitalizimi i tregut të LVMH arriti në 388.8 miliardë dollarë, krahasuar me kapitalizimin e tregut të Tesla prej 586.14 miliardë dollarësh. Arno ka pesë fëmijë dhe të gjithë punojnë në LVMH.

Ai së fundi emëroi dy nga djemtë e tij në bordin e LVMH së bashku me dy fëmijë të tjerë që ishin tashmë në bord në një përpjekje për të siguruar kontroll afatgjatë të familjes, sipas Forbes.

Sipas listës së Forbes, në vendin e tretë është themeluesi i korporatës amerikane Amazon Jeff Bezos me 181.7 miliardë dollarë, i ndjekur nga një nga krijuesit e korporatës Oracle Larry Ellison 142.5 miliardë dhe kreu i korporatës amerikane Meta Mark Zuckerberg me 139.8. miliardë.

 

Home Kryefaqja
Shiko në: YouTube
Lajme të Sugjeruara

Danimarka miraton vendosjen e misionit në Ngushticën e Hormuzit

Parlamenti danez miratoi të enjten vendosjen e kontributeve në një mision shumëkombësh në Ngushticën e Hormuzit, sipas mediave vendase. Ligjvënësit vendosën që Danimarka do të...
13:36 | 25/06/2026

Shkon në 164 numri i viktimave nga tërmeti në Venezuelë

Të paktën 164 persona janë vrarë dhe 971 të tjerë janë plagosur në tërmetet e dyfishta që ndodhën gjatë natës, tha presidentja e përkohshëm e...
13:09 | 25/06/2026

Aeroportet e Romës do të pezullojnë sistemin e ri EES gjatë verës për të shmangur fluksin e lartë të pasagjerëve

Aeroportet e Romës do të duhet të pezullojnë sistemin e ri dixhital të kufijve të BE-së për qytetarët jo-BE për të shmangur një “katastrofë” gjatë...
12:48 | 25/06/2026