Libri “Kadare në studio”, 4 intervista të plota të realizuara nga Eni Vasili

“Kadare në Studio” është libri më i ri i gazetares Eni Vasili, i cili sjell rrëfimin e shkrimtarit të madh në 4 intervista të realizuara në kohë të ndryshme.

Jo studime, as përsiatje letrare, por rrëfime mbi krijimin, letërsinë, raportin me shoqërinë dhe politikën, duke përballur të vërtetën e tij mbi gjyqësinë dhe akuzat e hedhura ndër vite.

“Kadare në studio” me katër intervista të plota të realizuara nga gazetarja Eni Vasili përgjatë 20 viteve, vijnë të plota për lexuesin nga shtëpia botuese UET Press.

Libri i sjellë nga Vasili nuk është vetëm për studiuesit e Kadaresë, por edhe për studentët e Komunikimit, me profil Gazetarinë, ku mund të kuptojnë më mirë procesin e intervistimit, ndërtimin e pyetjeve dhe ngritjen e narrativës së bisedës, duke hyrë në psikologjinë e personazhit.

Publikimi i librit, përkon edhe me dhënien e Çmimit Kadare, një nga ngjarjet më të rëndësishme të letërsisë shqipe, e cila mori bekimin e shkrimtarit 10 vjet më parë.

LEXONI GJITHASHTU:

• 88-vjetori i Ismail Kadaresë. Shtëpia bëhet qendër transmetimi për filma
• Një dekadë çmimi Kadare/Deri në 15 janar do të priten sinopset e autorëve shqipfolës