Pensionistët në Pogradec me qendër të re ditore

Euronews Albania transmetoi vitin e kaluar problemin e mijëra pensionistëve të Pogradecit të cilët vuanin mungesën e një qendre ditore, çka i detyronte që e në dimër të qëndronin jashtë për të luajtur domino apo kaluar kohë me njëri tjetrin.

Bashkia e Pogradecit asokohe u zotua për të ndërtuar një qendër, e cila është jetësuar së fundmi.

Ambienti i ngrohtë do t’i japë mundësi pensionistëve të kalojë aty orët e ditës, konsumojnë kafe, lexojnë gazeta apo qoftë dhe të shohin televizor.

“Ne si bashki duhet të jemi pranë pensionistëve për gjithçka, sidomos për t’i ndihmuar edhe në marrjen e ilaçeve apo shërbimeve të tjera. Ne krahas kësaj qendre do vijojmë ndërtimin edhe të qendrës në parkun e qytetit, punimet e të cilës kanë ndalur për shkak të motit. Të dyja këto ambiente janë për ju dhe duhet t’i shfrytëzojmë sa më mirë”, tha Ilir Xhakolli, kryetar i Bashkisë Pogradec.

Pensionistët e pranishëm në këtë inaugurim tregojnë rëndësinë që ky investim ka për ta.

“Ju falënderojmë për këtë “institucion” të munguar që i duhej qytetit. Ne synojmë që këtu të realizojmë edhe takime apo aktivitete që do të kenë për qëllim zhvillimin e qytetit”, thotë një i moshuar.

Qendra ditore në Pogradec krahas shërbimit do të mundësojë dhe aktivitete të ndryshme argëtimi për pensionistët por e kujdes shëndetësor.