Presidenti Meta kujton 22-vjetorin e ndërhyrjes së NATO-s në Kosovë

Presidenti i Republikës, Ilir Meta ka përkujtuar 22-vjetorin e ndërhyrjes së NATO-s, e cila i dha fund gjenocidit serb mbi popullsinë shqiptare të Kosovë.

Kreu i shtetit thotë se kombi shqiptar do t’u jetë mirënjohës Shteteve të Bashkuara të Amerikës dhe Aleancës së Atlantikut të Veriut.

“Kombi shqiptar do t’u jetë gjithmonë mirënjohës Shteteve të Bashkuara të Amerikës dhe NATO-s për këtë kontribut të jashtëzakonshëm, që i parapriu Pavarësisë së Kosovës dhe forcoi paqen e stabilitetin në rajonin tonë”, shkruan Meta.

Ai shprehet se e ardhshmja e Kosovës është anëtarësimi në NATO dhe se Shqipëria do ta mbështesë në këtë drejtim.