Dështon mbledhja fizike e Komisionit të Zgjedhores, Rithemelimi bllokon sallën

Pas përplasjeve me gardën, deputetët e Rithemelimit kanë mundur të hyjnë në ambientet e sallës ku pritej të mbahej mbledhja e Komisionit të Posaçëm të Reformës Zgjedhore.

Deputetët e PD-së, pjesë e Rithemelimit, bllokuan sallën dhe nuk lejuzan zhvillimin fizik të mbledhjes. Një pjesë e deputetëve të opozitës bllokuan hyrjen kryesore, ku ndaluan bashkëkryetarin Damian Gjiknuri të merrte pjesë në mbledhje.

Ndërkohë që pjesa tjetër e deputetëve u futën në ambientet e sallës ku bllokuan karriget e disa prej anëtarëve.

Deputetët e PD-së Bledjon Nallbati dhe Asllan Dogjani u ulën mes socialistëve, ndërkohë që u bllokuan dhe karriget e bashkëkryetarëve të reformës zgjedhore.

Pas dështimit të mbledhjes, bashkëkryetari nga radhët e PS, Damian Gjiknuri u shpreh i keqardhur për sjelljen e deputetëve të opozitës.

Në momentin që ai shkoi të hynte në sallë pati dhe një përplasje me deputetin e PD Flamur Noka.

Pjesë nga biseda:

Noka: A ke qenë në opozitë ti, a ke pasur bashkëkryetar? Pse nuk na lë edhe neve ta kemi?

Gjiknuri: Po, e keni bashkëkryetarin tuaj vetë e keni zgjedhur!

Noka: Jo, atë e ka zgjedhur Edi Rama. As ti as Rama nuk mund të mohoni opozitën, nuk e zhbëni dot.

LEXONI GJITHASHTU:

• Përplasje në Komisionin e Zgjedhores, Garda s’lejon deputetët e Rithemelimit
• Nikolla takon ambasadoren e OSBE, zbardhen diskutimet në lidhje me “Zgjedhoren”