Përplasje në Komisionin e Zgjedhores, Garda s’lejon deputetët e Rithemelimit

Mbledhja e Komisionit të Reformës Zgjedhor u shoqërua këtë të martë me përplasje mes efektivëve të gardës dhe deputetëve të Rithemelimit.

Tensionet nisën në ambientet e jashtme të sallës në Kryesinë e Kuvendit, ku ishte planifikuar mbledhja fizike e Komisionit të Posaçëm të Reformës Zgjedhore.

Punonjësit e gardës nuk lejuan deputetët e Partisë Demokratike, pjesë e Rithemelimit për të marrë pjesë në mbledhje.

Deputetët e grupit Bardhi-Berisha kërkojnë që të ndryshohet ripërbërje të këtij komisioni, ku grupi i tyre të ketë më shumë anëtarë dhe bashkëkryetarin si forca më e madhe opozitare.

Komisioni i Reformës Zgjedhore u rikthye këtë të martë fizikisht, pasi seancën e parë e zhvilloi online për shkak të bllokimit që deputetët e opozitës i bënë sallës.