Kryeministri Rama: Jemi gati të vaksinojmë të gjithë punonjësit shëndetësorë të Kosovës

Nga Aeroporti i Rinasit, kryeministri Edi Rama tha se me vaksinat e siguara Shqipëria është gati të vaksinojë të gjithë bluzat e bardha të Kosovës.

Ai theksoi para gazetarëve se në Kosovë janë gjithsej 11 mijë punonjës shëndetësorë dhe vendi ynë është gati t’i ndihmojë në këtë drejtim.

“Kemi mundësi t’i japim një mesazh të drejtpërdrejtë Kosovës. Jemi gati që nesër të marrim përsipër vaksinimin të gjitha bluzat e bardha të Kosovës, anë 11 mijë punonjës shëndetësie në Kosovë dhe brenda 20 ditësh maksimumi, duke pasur parasysh ritmin e ardhjes së tyre në Kukës në dy ditë ku bëmë vaksinimin e 500 personave, ne jemi gati të kryejmë vaksinim e të gjithëve”, tha kryeministri Rama.

Kosova është vendi i vetëm në Evropë, që nuk ka siguruar ende asnjë dozë vaksinash kundër Covid-19. Në javën e kaluar, në qytetin e Kukësit 500 punonjës shëndetësorë të Kosovës morën vaksinat si dhuratë nga qeveria shqiptare.

Lexoni gjithashtu:

Mbërrijnë 192 mijë doza vaksinash kineze në Shqipëri