Hasani: Shqipëria në krye të OKB, histori suksesi

Në mbyllje të mandatit për kryesimin e Këshillit të Sigurimit në OKB, ministri për Evropën dhe Punët e Jashtme, Igli Hasani, e cilësoi sukses drejtimin e këtij forumi nga ana e Shqipërisë.

Sipas kryediplomatit shqiptar, Shqipëria i tregoi botës se di të japë kontributin e saj me aleatët në të mirë të paqes e stabilitetit.

“Mandati i Shqipërisë në Këshillin e Sigurimit të OKB-së tregoi rolin dhe kontributin që vendet e vogla mund të japin në respektimin e të drejtës ndërkombëtare dhe trajtimin e çështjeve urgjente globale si multilateralizmi, ndryshimet klimatike dhe agjenda për Gratë, Paqen dhe Sigurinë.

Gjatë kohërave më sfiduese, ne kemi dhënë një kontribut për paqen dhe sigurinë globale së bashku me vendet e njëmendta veçanërisht në adresimin e agresionit të paligjshëm të Rusisë kundër Ukrainës.

Përmbyllëm sot me miq dhe partnerë dy vite angazhim të Shqipërisë në Këshillin e Sigurimit, plotësisht të bindur se investimi në paqe është pa diskutim investimi më i mirë për të ardhmen”, shkruan Hansani në faqen e tij zyrtare në Facebook.