Vrau me thikë fqinjin për parkimin, arrestohet pas disa orësh autori

Ilir Koçilja, 40-vjeçari nga qyteti i Durrësit i cili mesditën e kësaj të mërkure ekzekutoi me thikë fqinjin e tij, Halil Koka është arrestuar.

Dy fqinjët u konfliktuan këtë të mërkurë për shkak të një vendparkimi.

Ata  njihen si përdorues të lëndëve narkotike, madje autori i krimit kishte shfaqur dhe probleme të shëndetit mendor.

Nga një këqyrje në rrjetet e tij sociale shihen postime të pakuptimta me fjalë fyese, por dhe akuza ndaj krerëve të ish-bandës së Durrësit.

35-vjeçari Halil Koka ndërroi jetë rrugës për në spital, pasi nuk mundi dot t’i mbijetonte plagëve të marra.

Ndërsa Ilir Koçilja ishte larguar ngavendngjarja.

Njoftimi i policisë:

Falë reagimit në kohë, kontrollit dhe ndjekjes së pandërprerë të Policisë, kapet dhe vihet në pranga autori i plagosjes me pasojë vdekjen e 46-vjeçarit.

Sekuestrohet mjeti prerës (thikë) me të cilin dyshohet se u krye vrasja.

Shërbimet e DVP Durrës, pas identifikimit të autorit të ngjarjes së ndodhur mesditën e sotme, në lagjen nr. 4, ku u godit me mjet prerës (thikë), shtetasi H. K., 46 vjeç, i cili si pasojë, humbi jetën gjatë transportimit në spital, vijuan kontrollet intensive në zonë, për lokalizimin dhe kapjen e autorit. Si rezultat i kontrolleve, në lagjen nr. 11, Durrës, u kap nga shërbimet e Forcës së Posaçme “Shqiponja” dhe u vu në pranga autori i dyshuar, shtetasi I. K., 35 vjeç, i cili dyshohet se vuan nga sëmundje mendore.

Gjithashtu, shërbimet e Policisë, gjatë kontrollit fizik, i kanë gjetur 35-vjeçarit, mjetin prerës (thikë) me të cilin dyshohet se kreu vrasjen.

Në drejtimin e Prokurorisë, vijon puna hetimore për dokumentimin e plotë të rrethanave të kësaj ngjarjeje.

Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

LEXONI GJITHASHTU:

• Vrau fqinjin për parkimin, kush është autori i ngjarjes së rëndë
• Vrasja në Durrës: Autori komshi në një kat me viktimën, u zunë për parkimin